Jūmys sapary barysynda onlaın tapsyrystardy óńdeuge jáne qala tūrǵyndaryna jedel jetkízuge arnalǵan zamanauı dark store — taratu ortalyǵy tanystyryldy. Nysan qazírgí logıstıkalyq standarttarǵa saı salynǵan jáne táulík boıy úzdíksíz jūmys ísteuge qajettí ınfraqūrylymmen jabdyqtalǵan.
Joba jeke ınvestıtsıya esebínen júzege asyrylyp, elektrondyq kommertsıyany damytuǵa, servıstíń sapasyn arttyruǵa jáne jańa jūmys oryndaryn qūruǵa baǵyttalǵan. Nysannyń jalpy quaty táulígíne 14 myńǵa deıín tapsyrysty óńdeuge múmkíndík beredí, būl qalanyń logıstıkalyq áleuetín edáuír kúsheıtedí. Tekseru barysynda eńbek úderísín ūıymdastyru, tsıfrlandyru deńgeıí, qauípsízdík talaptarynyń saqtaluy jáne qala qūrylysy normalaryna sáıkestík máseleleríne erekshe nazar audaryldy.
Osyndaı nysandardy damytu ekonomıkany ártaraptandyruǵa jáne qalalyq ınfraqūrylymnyń tūraqtylyǵyn nyǵaıtuǵa yqpal etedí. Almaty ákímí zamanauı logıstıka men servıs talaptaryna saı keletín, jūmys oryndaryn qūratyn ınvestıtsıyalyq jobalardy qoldaudyń mańyzdylyǵyn atap óttí.