Almatyda ıt pyshaqpen shabýyldaǵan er adamnan ıesin qutqaryp qaldy.
Áleýmettik jelide Almatyda belgisiz bireý ıtimen serýendep júrgen er adamǵa pyshaqpen shabýyl jasaǵany týraly aqparat paıda boldy, dep habarlaıdy Almaty-akshamy.kz.
Almaty qalalyq Polısıa departamenti Almaly aýdandyq polısıa basqarmasynyń QK-tiń 316-baby 2-bóligimen (janýarlarǵa qatygezdikpen qaraý) qylmystyq quqyq buzýshylyq deregi boıynsha qylmystyq is qozǵap jatqanyn málimdedi.
Kúdikti - 1987 jyly týǵan B. esimdi azamat ustaldy.
«Kúdikti ıttiń ıesi ekeýiniń arasynda týyndaǵan janjaldan soń, úı janýaryn ózine qarsy jibergenin jáne ózin qorǵaýǵa májbúr bolǵanyn aıtty. Oqıǵanyń obektıvti mán-jaılary qosymsha tergeý barysynda anyqtalatyn bolady», - dep habarlady Almaty qalalyq Polısıa departamentiniń baspasóz qyzmeti.