«Taza Qazaqstan» respýblıkalyq baǵdarlamasy aıasynda Almatyda iri kólemdi qoqystardy shyǵarý boıynsha túsindirý jumystary júrgizilýde
«Taza Qazaqstan» respýblıkalyq baǵdarlamasy aıasynda Almaty qalasynyń Ekologıa jáne qorshaǵan orta basqarmasy Polısıa departamentimen birlesip iri kólemdi qoqysty shyǵarý erejelerin túsindirý boıynsha aýqymdy jumys júrgizýde, dep habarlaıdy aqshamnews.kz
Qala aýmaǵyn kóriktendirý erejesin saqtaý úshin iri kólemdi qoqystardy jınaıtyn negizgi oryndarda qosymsha beınebaqylaý kameralary ornatyldy. Sondaı-aq, qalada tazalyqty saqtaý qajettiligi týraly beınerolıkter kórsetilip jatyr, jeke jáne zańdy tulǵalardyń Almaty qalasynyń aýmaǵyn kóriktendirý qaǵıdasynyń talabyn buzý faktisin anyqtaý jáne turǵyndardyń konteınerlik alańǵa iri kólemdi qoqysty shyǵarmaý boıynsha reıdter uıymdastyryldy.
Almatyda búginde turǵyndardyń konteınerlik alańnyń irgeles aýmaǵyna turmystyq tehnıka, santehnıkalyq buıymdar jáne basqa da isten shyqqan eski jıhaz syndy iri kólemdi qoqystardy tastaý máselesi bar. Sonymen qatar, qoqys jáshikteriniń janynda plıtka, kirpish jáne t. b. qurylys qaldyqtaryn kórýge bolady.
Qoqys shyǵaratyn mashınalar iri kólemdegi qoqystar men qurylys qaldyqtaryn shyǵara almaıdy, óıtkeni bul qoqys tasıtyn mashınalardyń presteý apparatyn isten shyǵarýy múmkin.
Komýnaldyq qaldyqtardy basqarý qaǵıdasyna sáıkes jyljymaıtyn nysandardy salýdy jáne (nemese) jóndeýdi júzege asyratyn jeke jáne zańdy tulǵalar qurylys jáne iri kólemdi qaldyqtardy (jıhaz, turmystyq tehnıka) arnaıy bólingen oryndarǵa ózderi aparýy kerek.
Almaty qalasynyń aýmaǵyn kóriktendýri erejesine sáıkes iri kólemdi qoqystardy (qaldyqtardy) shyǵarýdy iri kólemdi qoqystardy shyǵarý sharty negizinde kásiporyndardyń, mekemelerdiń jáne jeke tulǵalardyń ózderi ne qoqys shyǵaratyn kásiporyndar júrgizedi.
Osylaısha, úıine jóndeý júrgizetin turǵyndar, sondaı-aq iri kólemdi qoqys paıda bolǵan kezde mamandandyrylǵan uıymdarǵa habarlasyp, aqyly tehnıkany shaqyrýy nemese qaldyqtardy polıgonǵa óz betinshe shyǵarýy kerek. Polıgondar Almaty oblysynyń İle jáne Qarasaı aýdandarynda ornalasqan.
QR «Ákimshilik quqyq buzýshylyq týraly» Kodeksiniń 505-babynda kóriktendýri erejelerin buzý jeke tulǵalarǵa – jıyrma, shaǵyn kásipkerlik sýbektilerine nemese komersıalyq emes uıymdarǵa – otyz, orta kásipkerlik sýbektilerine – qyryq, iri kásipkerlik sýbektilerine – júz aılyq eseptik kórsetkish mólsherinde eskertý jasaýǵa nemese aıyppul salýǵa ákeletinin eskerý qajet