Almaty qalasynyń Qala qurylysyn baqylaý basqarmasynyń habarlaýynsha, Muratbaev kóshesi, 63 mekenjaıynda ornalasqan Parasat bıznes-ortalyǵynyń úshinshi qabaty men mansardalyq qabaty zańsyz salynǵan, dep habarlaıdy aqshamnews.kz
Buǵan deıin «Parasat Samex Co LTD» JSHS ıesine jospardan tys tekserý júrgizý barysynda QR ÁQBtK 316-babynyń 1-bóligi jáne 321-baby boıynsha shara qabyldanyp, úshinshi qabat pen mansardany buzý týraly buıryq berilgen. Alaıda menshik ıesi bul talaptardy oryndamaǵandyqtan, materıaldar sotqa jiberildi.
2023 jylǵy 24 qazanda Almaty qalasynyń mamandandyrylǵan aýdanaralyq ekonomıkalyq sotynyń sheshimimen basqarmanyń buıryqty májbúrli túrde oryndaý týraly talap-aryzy qanaǵattandyryldy.
Menshik ıesi qurylymdy ádilet departamentiniń sot oryndaýshylarynyń qatysýymen óz betinshe buza bastady.
Eske salaıyq, Almaty qalasynyń ákimi Erbolat Dosaevtyń zańsyz qurylysqa baqylaýdy kúsheıtý tapsyrmasy aıasynda ótken jyldyń basynan beri «Mechta», KHAN, «Alma Garden» turǵyn úı keshenderi jáne basqa da 44 zańsyz nysan tolyǵymen nemese ishinara súrildi.