Invataksı jobasy qosymsha qajettilikteri bar adamdar úshin qolaıly jáne qaýipsiz qozǵalýdy qamtamasyz etýge baǵyttalǵan jáne aǵymdaǵy jyldyń qyrkúıegine deıin eki aı ishinde pılottyq rejımde iske asyrylatyn bolady. Ol týraly Óńirlik komýnıkasıalar qyzmetiniń brıfıńinde Almaty qalasy Jumyspen qamtý jáne áleýmettik baǵdarlamalar basqarmasynyń basshysy Baýyrjan Jaýbasov aıtyp berdi.
Spıkerdiń aıtýynsha, megapolıste "Invataksı" qyzmetin 2 myńnan astam adam paıdalanady, onyń 800-i múgedek balalar. Bıyl ınvataksı qyzmetin uıymdastyrýǵa jergilikti búdjetten 920 mln teńge bólindi.
"Buǵan deıin megapolıste qosymsha qajettilikteri bar adamdardy tasymaldaýǵa mamandandyrylǵan kólik tapshylyǵy baıqalǵan bolatyn, jáne de ınvataksı qyzmetteriniń sapasyna qatysty eskertýler bolǵan. Kórsetiletin qyzmetterdi barynsha qamtý jáne sapasyn arttyrý úshin Almaty qalasy ákimdiginiń bastamasymen jáne Eńbek mınıstrliginiń qoldaýymen «Iandeks. Taksı» agregatory arqyly ınvataksı qyzmetterin usyný jobasy júzege asty", - dedi B. Jaýbasov.
Sonymen qatar, joba aıasynda oń nátıjeleri boıynsha QR Eńbek jáne halyqty áleýmettik qorǵaý Mınıstrligi normatıvtik-quqyqtyq aktilerge tıisti ózgerister engizýdi josparlap otyrǵanyn atap ótti.
Qyzmetti jetkizýshiler úshin Iandeks Taksı platformasynda eseptik jazbalar jasaldy jáne múgedektigi bar adamdardy pılottyq jobaǵa qosý múmkindigi berildi. Osy pılottyq jobaǵa qosylǵan múgedektigi bar adamdar «Iandeks taksı» qosymshasy arqyly qyzmetterge tapsyrys berýdi yńǵaıly ýaqytta Iandeks Go qosymshasynda arnaıy ázirlengen «INVA» tarıfi arqyly derbes júzege asyra alady. Bul pılottyq jobada kúnine saparlar sanynda shekteý qoıylǵan, múgedektigi bar bir adam úshin kúnine 2 sapardan aspaıtyn lımıt belgilengen.
Aıta ketý kerek, jyl saıyn bul qyzmetke qajettilik artyp keledi: 2021 jyly 1462 múgedek adam, onyń ishinde 357 múgedek bala bolsa, al 2022 jyly 1488 múgedek adam, onyń ishinde 632 múgedek bala.
Almaty qalasy boıynsha qyzmet azamattardyń bes sanaty úshin usynylady:
- kreslo-arbamen qozǵalatyn jáne tirek-qımyl apparaty buzylǵan múgedektigi bar adamdar men múgedektigi bar balalar úshin;
- kórý qabileti buzylǵan múgedektigi bar adamdar men múgedektigi bar balalar úshin;
- aýtızm spektri buzylǵan múgedektigi bar balalar úshin (aýtızm).
Shilde aıynan bastap 2023 jyldyń sońyna deıin 4 "Invataksı" qyzmetimen Memlekettik satyp alý sharttary jasaldy, avtomobılder sany 64-ten 100 kólik quralyna deıin ulǵaıtyldy (32 jabdyqtalǵan avtomashına jáne 68 jeńil avtomashına shyǵarylǵan jyly 2019 jyldan erte emes).
Invataksı qyzmetine qatysty barlyq suraqtar boıynsha Almaty qalasy Jumyspen qamtý jáne áleýmettik baǵdarlamalar basqarmasynyń teń múmkindikter bólimi janyndaǵy 338-30-09; 338-30-06 nómirleri boıynsha call-ortalyǵyna, sondaı-aq open-almaty.kz portaly arqyly habarlasý qajet.
Anyqtama:
1. «Inclusion.kz» QB – kreslo-arbamen qozǵalatyn múgedek adamdar (24 avtokólik). Baılanys: +7 707 710 60 50, +7 771 748 06 50, +7 747 195 35 75, +7 771 7480651;
2. «SRÝ Invataksı» JSHS – kreslo-arbamen qozǵalatyn balalar (24 avtomashına). Baılanys: +7 (727) 339-03-87, +7 701-306-07-76, +7 776-622-22-64;
3. «Social Project Organization Group» QB – aýtızmmen aýyratyn balalar (14 avtokólik). Baılanys: +7 (727) 254-55-94, +7 (727) 367-29-29,+7 708-254-55-94, +7 707-238-93-86;
4. Densaýlyk zor baılyk MQB – 18 jasqa deıingi kórý qabileti buzylǵan balalar (16 avtokólik). Baılanys: +7 707 878 2544, +7 702 925 0048;
5. Densaýlyk zor baılyk MQB – 18 jastan asqan kórý qabileti buzylǵan múgedekter (22 avtokólik). Baılanys: +7 700 070 57 10, +7 727 972 68 09.