2025 jylǵy aqpannyń 20-synda Almaty qalasy Balalar shuǵyl medısınalyq kómek kórsetý ortalyǵyna 2 jas 3 aılyq bala bógde zat jutýy múmkin degen kúdikpen jetkizildi. Ata-anasynyń aıtýynsha, shamamen bir apta buryn qonaqqa barǵanda, balanyń metal magnıtti jutyp qoıý múmkindigi bolǵan, biraq magnıttiń naqty sany belgisiz edi.
Qursaq qýysynyń rentgenografıasy barysynda ólshemi 6,2×2,2 sm bolatyn kóptegen metal zattan quralǵan konglomerat anyqtaldy. Bógde zatty alyp tastaý úshin bala shuǵyl túrde aýrýhanaǵa jatqyzyldy.
Áýeli mamandar bógde zatty endoskopıalyq ádispen alýǵa tyrysty, alaıda magnıtterdiń tyǵyz jınalýy kesirinen bul múmkin bolmady. Osyǵan baılanysty hırýrgıalyq aralasý - laparotomıa jáne gastrotomıa jasaý týraly sheshim qabyldandy. Ota barysynda balanyń asqazanynan 105 magnıtti monshaq alyndy.
Otadan keıin bala reanımasıa bólimine aýystyrylyp, keıin hırýrgıa bólimine jatqyzyldy. Qazirgi ýaqytta onyń jaǵdaıy qanaǵattanarlyq.
Almaty qalasy Balalar shuǵyl medısınalyq kómek kórsetý ortalyǵy ata-analarǵa oıynshyqty tańdaýda muqıat bolýdyń mańyzyn eske salyp, balalardyń qaýipsizdigine jiti nazar aýdarýdy suraıdy.