Qyzylordalyq polıseıler halyqaralyq izdeýde júrgen qylmyskerlerdi Almatyda ustady, – dep habarlaıdy almaty-akshamy.kz Polisia.kz silteme jasap.
13 qarasha kúni Qyzylorda oblysy PD jáne Almaty oblysy PD Krımınaldyq polısıa basqarmalarynyń qyzmetkerlerimen birlesip júrgizilgen jedel-izdestirý sharalary barysynda tergeýden boı tasalap, halyqaralyq izdeýde júrgen Qyzylorda oblysynyń eki turǵyny Almatyda quryqtaldy.Olar Qazaqstan Respýblıkasy Qylmystyq kodeksiniń 293-baby 3-bóliginiń 2-tarmaǵy (Atys qarýyn qoldanyp, jasalǵan buzaqylyq) jáne 24-baby 3-bóligi men 99-babynyń 2-bóliginiń 7,9-tarmaqtary (Buzaqylyq nıetpen, aldyn ala sóz baılasý arqyly adamdar tobymen óltirýge oqtalǵan) boıynsha qylmys jasaǵan dep aıyptalýda.
Ustalǵan eki kúdiktige qatysty “kúzetpen ustaý” túrindegi bultartpaý sharasy tańdaldy.
Polıseıler kúdiktilerdi Almaty qalasy Týrksib aýdanyndaǵy jaldamaly páterlerdiń birinde ustaǵan. Qazirgi ýaqytta olar ýaqytsha ustaý ızolátoryna qamaqqa alyndy.