Almaly aýdanynda abattandyrý boıynsha turǵyndardyń jobalaryna 2 mlrd teńge bólindi.
Almaty ákimi Erbolat Dosaev «Halyq qatysatyn búdjet» jobasy boıynsha aýlany abattandyrýmen tanysty, dep habarlaıdy Almaty-akshamy.kz.
Almaty ákimi Erbolat Dosaev jumys sapary barysynda Almaly aýdanyndaǵy «Halyq qatysatyn búdjet» baǵdarlamasy aıasynda jańarǵan aýlaǵa bardy.
Mámetova kóshesi, 29/41 boıynsha aýla aýmaǵyn abattandyrý jobasyn turǵyndardyń ózderi ázirledi, sondyqtan aǵa jáne kishi urpaqtyń barlyq pikirleri men tilekteri eskerildi. Qaýipsizdik, turaqtylyq, jaılylyq sıaqty krıterıılerge erekshe nazar aýdaryldy. Jas sanattary boıynsha aımaqtarǵa bóle otyryp, sporttyq jáne balalar oıyn alańdaryn jańǵyrtý júrgizildi, sport alańy jańartyldy jáne demalys aımaǵy oryndyqtarmen jabdyqtaldy. Aıtpaqshy, bul aýlany osyndaı keshendi jóndeý 58 jylda alǵash ret júrgizildi.
Atqarylǵan jumystarmen tanysqan Almaty ákimi Erbolat Dosaev merdigerlerge kepildik mindettemeleri aıasynda túzetilýi tıis kemshilikterdi atap ótti. Megapolıs ákimi qala turǵyndarynyń qatysýymen jaıly qalalyq ortany qurýǵa keshendi kózqarastyń mańyzdylyǵyn atap ótti. Bul rette, jasyl jelekterdi kútý maqsatynda mundaı jobalarda jasyl jelektiń saqtalýyn qamtamasyz etý úshin avtosýarý júıelerin, vorkaýt-aımaqtardy kún men jaýyn-shashynnan qorǵaǵan jón. Jalpy, jańarǵan aýlalar turǵyndarǵa múmkindiginshe uzaq qyzmet etýi tıis.
Bul joba 2023 jyly berilgen ótinimder boıynsha iske asyryldy. Ótken jyly Almaly aýdanynda aýla aýmaqtaryn abattandyrý jáne jóndeý boıynsha HQB aıasynda 34 joba maquldandy.
Aǵymdaǵy jyly jalpy somasy 2 mlrd teńgege 52 jobany iske asyrý josparlanýda. Aýlalardy jóndeý, qoǵamdyq keńistikterdi abattandyrý jáne kógaldandyrý, sondaı-aq ıtterdi serýendetýge arnalǵan alań jasaý josparlanýda.