Qazaq ulttyq qyzdar pedagogıkalyq ýnıversıtetinde Qazaqstandyq oqý-aǵartý, ǵylym jáne joǵary bilim qyzmetkerleriniń salalyq kásipodaǵynyń 100 jyldyǵyna oraı«Kóshbasshylyq jáne genderlik teńdik: jastardyń roli» atty respýblıkalyq semınar ótti, dep habarlaıdy aqshamnews.kz
Respýblıkalyq semınar Qazaq ulttyq qyzdar pedagogıkalyq ýnıversıtetiniń Basqarma Tóraǵasy– Rektory Qanaı Gúlmıra Ámirhanqyzynyń ýnıversıtettiń jetistikteri men bolashaǵy týralyalǵy sózimen ashyldy. Rektor kásipodaqtyń eńbek quqyǵynyń buzylmaýyn qadaǵalap, áleýmettik-ekonomıkalyq qoldaý kórsetetin basty uıym ekenin atap ótti.
İs-shara barysynda ýnıversıtettiń profesorlyq-oqytýshylyq quramy ártúrli baǵyttaǵy taqyryptar boıynsha óz baıandamalaryn jasady. Alǵashqy baıandamashy, psıhologıa ǵylymdarynyń kandıdaty, profesor Bapaeva Marıam Qurmanǵalıqyzy «Qyzdardyń áleýmettik rólderiniń ózindik erekshelikteri men emosıalyq jaǵdaılarynyń ózara qatynasy» taqyrybynda sóz sóıledi. Kelesi baıandamashy, psıhologıa ǵylymdarynyń kandıdaty, dosent Kasymova Gúlnarnar Marýpqyzy «Psıhologıcheskıe aspekty gendera v profsoıýze» taqyrybynda óz zertteýlerimen bólisti.
Semınardyń mańyzdy bólimderiniń biri — Digital Lady tehnoparkindegi zamanaýı ázirlemelermen ata-analarǵa arnalǵan PlayHub qyzmeti sheńberindegi tıimdi seriktestiktiń zamanaýı tásilderine qatysty baıandamalar boldy. Fızıka-matematıka ǵylymdarynyń kandıdaty, profesor Salǵaraeva Gúlnaz Ibragımovna men pedagogıka ǵylymdarynyń kandıdaty, profesor Jubandyqova Aqgúl Mýrzalıqyzy óz tájirıbelerimen ǵylymı zertteýlerin usyndy.
Qazaqstandyq oqý-aǵartý, ǵylym jáne joǵary bilim qyzmetkerleriniń salalyq kásipodaǵynyń eńbekshi áıelder isteri jónindegi komısıa tóraǵasy Sakaýova Indıra Berdiǵalıqyzy ýnıversıtettiń 80 jyldyǵymen quttyqtap, semınardyń ótýine sáttilik tiledi.
Semınar barysynda ýnıversıtettiń profesor-oqytýshylyq quramy men qyzmetkerleri Qazaqstan Respýblıkasynyń Kásipodaqtar Federasıasy, Qazaqstandyq oqý-aǵartý, ǵylym jáne joǵary bilim qyzmetkerleriniń salalyq kásipodaǵynyń Tósbelgileri, Qurmet gramotasy, Alǵys hattarymen marapattaldy.