“CyberPol” bólimshesiniń habarlaýynsha, arnaıy is-shara barysynda sheteldiktiń qylmystyq áreketiniń joly kesildi.
Jedel málimetterge sáıkes, 41 jastaǵy Grýzıa azamaty Almaty qalasyndaǵy birqatar alaıaqtyqqa qatysy bar ekendigi anyqtaldy, dep habarlaıdy Almaty-akshamy.kz.
Ol ekinshi deńgeıli bankterden nesıe alýǵa ótinish bildirgen azamattardyń aqshasyn aldap, fıshıngtik jolmen ıemdenip kelgen.
Keıbir málimetterge sáıkes, sheteldik azamat birneshe jyl boıy bul aldaý tizbegimen aınalysqan bolýy múmkin. Qazirgi ýaqytta onyń basqa da osyǵan uqsas derekterge qatysy bar-joǵy tekserilip jatyr. Kúdikti qamaýǵa alyndy. QR QPK-niń 201-babyna sáıkes ózge aqparattar tergeý múddesine oraı jarıalaýǵa jatpaıdy. QR Konstıtýsıasynyń 77-babynyń 3-tarmaǵynyń 1-tarmaqshasyna jáne QR QPK-niń 19-baby 1-bóligine sáıkes, zańdy kúshine engen sot úkimimen belgilengenge deıin árbir adam qylmystyq quqyq buzýshylyq jasaýda kinásiz dep tanylady.