Fermerlerden tabıǵı ónimdi tikeleı alýǵa bolady
8-9 qazanda qalada aýyl sharýashylyǵy óndirýshileriniń keńeıtilgen jármeńkesi ótedi. Munda Qonaev qalasynan jáne Almaty oblysynyń 9 aýdanynyń fermerlerinen jańa pisken ónimder men taýarlar satyp alýǵa bolady.
Tutynýshyǵa et-sút, jemis-kókónis, shujyq ónimderi, un, jarma, ósimdik jáne janýarlar maıy usynyldy. 50-den astam túrli taýar, kókónis pen jemisti qala turǵyndary tikeleı óndirýshiden satyp ala alady. Ónimniń jalpy kólemi 320 tonna.
Jármeńke osy demalys kúnderi saǵat 8.00-den 17.00-ge deıin Qonaev kóshesinen Pýshkın kóshesine deıingi aralyqta ("Ǵylym ordasy" RMK Arheologıa murajaıyna qarama-qarsy) ótedi.