Olımpıada 1-5 synyp oqýshylaryna arnalǵan.
Bıyl oǵan estý qabileti nashar balalar da qatysýǵa múmkindik aldy. Baıqaý sharttaryn arnaıy mamandar túsindiredi. Oǵan qatysýǵa álemniń 16 elinen 3 myńnan bala nıet bildirgen, dep habarlaıdy Almaty-akshamy.kz.
Sonyń 400-ge jýyǵy irikteý kezeńinen ótken.
24.kz aqparatynsha, Almatyǵa Tájikstan Grýzıa, Germanıa elderinen shákirtter arnaıy keldi. Al onnan asa memlekettiń qatysýshylary baıqaýǵa qashyqtan qatysyp jatyr. Osyǵan oraı esep sharttary birneshe tilge aýdaryldy. Baıqaý 3 kún jalǵasady. Jeńimpazdarǵa arnaıy dıplommen qosa baǵaly syılyqtar tabystalady.
«Biz Germanıadan 3 bala alyp keldik. Olardyń bireýiniń estý qabileti nashar. Oǵan sýrdoaýdarmashy kómektesedi. Iaǵnı esep sharttaryn balaǵa óziniń tilinde túsindirip beredi. Bul baıqaý osy balaqaılardyń matematıkaǵa degen qyzyǵýshylyǵyn arttyra túsedi dep oılaımyn. Sonsha jerden kelip, qatysyp jatqanyma qýanyshtymyz. Balalar sizderdiń elmen tanysyp qaıtady», - deıdi germanıalyq Svetlana Nordgeımer.