2023 jylǵy negizgi UBT-nyń ekinshi aptasy aıaqtaldy. Ulttyq testileý ortalyǵy aralyq qorytyndy málimetterdi jarıalady, dep habarlaıdy Almaty-akshamy.kz.
Derekke saı, negizgi UBT bastalǵannan beri 86 myńnan astam adam test tapsyrdy, dep jazdy Qazaqparat.
Onyń ishinde:
- 74%-y qazaq tilinde, 26%-y orys tilinde, 84 adam aǵylshyn tilinde testileýden ótti;- shekti baldy 78%-ǵa jýyq talapker jınady;- ortasha bal – 70 bal;- erekshe bilim berý qajettiligi bar 230 bala qatysty;- eń joǵary bal – 137.Tyıym salynǵan zattardy alyp ótý áreketi saldarynan testileýden ótý múmkindiginen 92 talapker aıyryldy.Testileý kezinde erejelerdi buzǵany úshin aýdıtorıadan 74 adam shyǵarylyp, olardyń nátıjeleri joıyldy. Bógde tulǵalar anyqtalǵan joq.Aıta keteıik, 2023 jylǵy UBT aıaqtalǵannan keıin kúntizbelik jyldyń 31 qazanyna deıin testileýdiń beınejazbalaryna taldaý júrgiziledi. Tyıym salynǵan zattardy paıdalaný nemese erejelerdi buzý faktileri anyqtalǵan jaǵdaıda túsýshiniń UBT nátıjeleri joıylady.
Esterińizge sala keteıik, talapkerler UBT aıaqtalǵannan keıin 30 mınýt ishinde apelásıaǵa ótinish bere alady. Sertıfıkat apelásıanyń sheshiminen keıin testilenýshiniń Jeke kabınetinde qoljetimdi bolady.