Almatyda 5-shi «Eýropalyq Odaq – Ortalyq Azıa» Azamattyq qoǵam forýmy ótip jatyr.
Úsh kúndik is-shara sıfrlyq transformasıa, klımattyń ózgerýi, jastar belsendiligi, áıelderdiń quqyqtary men múmkindikterin keńeıtý máselelerine baǵyttalǵan, dep habarlaıdy aqshamnews.kz.
Forýmǵa Ortalyq Azıa elderiniń azamattyq qoǵam ınstıtýttary men úkimetteri ókilderi, halyqaralyq uıymdar ókilderi qatarynan 150-den astam adam qatysýda.
Forýmnyń ashylýyna QR Mádenıet jáne aqparat vıse-mınıstri Aızada Qurmanova qatysty. Ol qatysýshylardy eldiń damýyndaǵy azamattyq qoǵamnyń róli jáne memlekettiń úkimettik emes sektordy qoldaý boıynsha júrgizip jatqan jumysy týraly habardar etti.
Aldaǵy eki kún ishinde is-shara aıasynda toptyq pikirtalastar men arnaıy semınarlar ótedi. Qatysýshylar osy talqylaýlar arqyly ózara ıdeıa almasyp, aımaqtyń mańyzdy máselelerin sheshýge belsendi túrde atsalysý múmkindigine ıe bolady.