Sharaǵa Eýrazıadaǵy farmasevtıkalyq ónimderdi óndirýshiler qatysady.
28 aqpan men 1 naýryz aralyǵynda Almatyda XIV halyqaralyq Eýrazıalyq farmasevtıkalyq forýmy ótedi, dep habarlaıdy Almaty-akshamy.kz
İs-shara Densaýlyq saqtaý mınıstrliginiń qoldaýymen uıymdastyrylmaq. Forýmǵa salalyq kásiptik uıymdar, retteýshiler, mınıstrlikter men vedomstvolardyń ókilderi, sondaı-aq Eýrazıadaǵy farmasevtıkalyq ónimderdiń iri halyqaralyq jáne jergilikti óndirýshileri qatysady.
Sondaı-aq Eýrazıalyq ekonomıkalyq komısıanyń, Belarýs Respýblıkasy Densaýlyq saqtaý mınıstrliginiń, Ózbekstan Respýblıkasy Densaýlyq saqtaý mınıstrliginiń, Ózbekstan Respýblıkasy Investısıalar, ónerkásip jáne saýda mınıstrliginiń Farmasevtıka salasyn damytý agenttiginiń, Qyrǵyz Respýblıkasy Densaýlyq saqtaý mınıstrliginiń, Akademık E. Gabrıelán atyndaǵy dárilik zattar men medısınalyq tehnologıalardy saraptaý ǵylymı ortalyǵynyń ókilderi, t.b. qatysady dep kútilýde.