Álem elderi ózara sanaly táýeldilik dáýirine kelýi kerek
Qazaqstannyń Halyq jazýshysy, aqyn Oljas Súleımenovtiń bul fılosofıalyq formýlasy búgin Almatyda ótken Eýrazıa mádenıetterin jaqyndastyrý Halyqaralyq forýmyna negiz boldy.
Dúnıejúzindegi zorlyq-zombylyq oshaqtary, «órkenıetter qaqtyǵysy», ıdeologıalyq dinı kózqarastar – munyń bári tutas adamzattyq sananyń joqtyǵynan, deıdi sarapshylar. Qazaqstan, Ispanıa, Úndistan, Fransıa, Túrkıa, Reseı elderiniń ozyq oıly ókilderi «Álemdegi mádenı sáıkestik», «Ózara táýeldilik mádenıetin damytýǵa arnalǵan bilim» taqyryptary tóńireginde oı bólisti.
«Biz sanaly ózara táýeldilikke kelýimiz kerek. Mine, negizgi kilt osy. Biz táýeldi ekenimizdi túsinýimiz kerek. Biraq bul sanaly bolýy kerek. Birin-biri qyspaqqa alý emes, ózara táýeldilik mádenıeti aıasyndaǵy qarym-qatynas kerek. Búgingi jıyn planetarlyq sanany qalyptastyrýǵa jasalǵan ıgi qadam der edim», - dedi mádenıettanýshy Murat Áýezov.