Almaty — Qazaqstannyń betke ustar qalasy bolyp qalýy qajet - Asanáli Áshimov
Qazaqstannyń belgili artıseri Jubanysh Jeksen, Maqsat Bazarbaev, Aıjan Nurmaǵambetova, Abaı Begeı, Qaragóz Súleımenova, Alma Amanjolova, Maral Anarbek, Nurmuhammed Jaqyp, Aqbota-Nur Seıtmaǵambet, Indıra Elemes, Ermek Medenov, Dıana Ismaıl, Nursultan Nurberdıev, ALPHA toby, Erkebulan Daıyrov, Jandos Aıbasov jáne basqa da ánshiler men akterlar senbilikke qatysyp, tyńdarmandaryn qorshaǵan ortany taza ustaýǵa, ekologıalyq mádenıetti damytýǵa atsalysyp, nasıhattaýǵa shaqyrdy, dep habarlaıdy Almaty-akhamy.kz.
Artıser «Taza Qazaqstan» jáne «Almaty — bizdiń ortaq úıimiz» sıaqty aýqymdy áleýmettik jobalardyń ıdeologıalyq qundylyqtary árqaısymyzdyń kúndelikti ómirimizdiń bir bóligi bolýǵa tıis ekenine senimdi. Olar osy naýqandardy ótkizý aıasyndaǵy ekologıalyq jáne shyǵarmashylyq jobalar qorshaǵan ortaǵa degen súıispenshilikti odan ári oıatýǵa, múddeles jandardy biriktirýge jáne qalanyń ınfraqurylymyna janashyrlyqpen qaraý ádepterin qalyptastyrýǵa kómektesedi deıdi.
«Sý tasqyny saldaryn joıýǵa baılanysty sońǵy oqıǵalar ár adamǵa oı salǵany anyq. Eń aldymen, biz barymyzdy baǵalaýǵa tıispiz. Tabıǵı apat tek aýmaqtyq turǵyda bizdi aınalyp ótti, desek te bul oqıǵalar kóptegen adamnyń ómirine qatty áser etti. Biz shynymen de tazalyqty saqtap, barshany tabıǵatty aıalaýǵa shaqyrýymyz kerek. Shyn máninde, kóringen jerde qoqys tastamaý, ınfraqurylymǵa zıan keltirmeý syndy qarapaıym erejelerdi qatań saqtaýymyz qajet», — dedi QR eńbek sińirgen qaıratkeri, belgili artıs Jubanysh Jeksen.
Óner adamdary Abaı jáne Alataý dańǵyldarynyń qıylysynda 300 alma jáne 200 qaraǵaı otyrǵyzýǵa qatysty, sondaı-aq Ortalyq mádenıet jáne demalys saıabaǵy mańynda aryq jelisin tazalaýǵa, qoqys jáshikteri men qorshaýlardy boıaýǵa qatysty, «Saryarqa» skveriniń aýmaǵynda aryq jelisin tazalap, 50 kóshet otyrǵyzdy. Sondaı-aq, estrada juldyzdarynyń qatysýymen «Seıfýllın» skveriniń aýmaǵynda 100 kóshet otyrǵyzyldy.
«Almaty – 1000 jyldyq tarıhy bar ádemi qala. Men munda 17 jasymnan beri turamyn, ózimdi jergilikti almatylyq sezinemin. Kez kelgen basqa qalada meniń qysymym kóteriledi, al úıge qaıtqarda birden qalypqa keledi. Súıikti Almatymyzdy taza ustaıyq, ol Qazaqstannyń betke ustar qalasy bolyp qalýy qajet. Barlyq áriptesterimdi jáne jas talant ıelerin belsendi bolýǵa shaqyramyn», - dedi Qazaqstannyń Eńbek Eri Asanáli Áshimov.
Aıta keteıik, «Almaty — bizdiń ortaq úıimiz» naýqanyn iske asyrý aıasynda aksıalar jalǵasyp jatyr. Tolyq aqparat Almaty.kz saıtynda.
https://www.instagram.com/reel/C53ujW8sRiU/?igsh=bThwaXhscTNoNmIx
https://www.instagram.com/reel/C58TNN8tBsT/?igsh=a2NxbXBzeWhkcjlu
https://www.instagram.com/reel/C5-TgVKi2hd/?igsh=bHQxNDU4YTBjNXln
https://www.instagram.com/reel/C58VGqyN0un/?igsh=MWY4ZzBmc2hicXk4OA==