Almaty halyqaralyq áýejaıy aýmaǵyndaǵy VIP-termınaly bar eski áýejaıdy súrý jumystary bastaldy, dep habarlaıdy Almaty-akshamy.kz QazAqparatqa silteme jasap.
Áýejaıdyń baspasóz qyzmetinen habarlaǵandaı, nysandy buzyp, basqa jaqqa kóshirý jumystaryna ruqsat beretin búkil qujat bar.
«Nysandy buzyp, basqa jaqqa kóshirý jumystary qoǵamdyq talqylaýdan keıin bastaldy. Oǵan ruqsat beretin barlyq qujattar bar. VIP termınaldyń jańa ǵımaraty Ahmetov kóshesiniń ońtústik-shyǵysynda 420 metr jerde bolady, vıtraj, belveder elementteri sekildi negizgi mádenı elementter sol jerge kóshiriledi. Bir bólshek boıynsha vıtrajdar men tereze jaqtaýlary alynyp tastaldy, elementterdiń kóshirmesin alý úshin qasbettiń negizgi elementteri boıaýdyń kóptegen qabattarynan qolmen tazartyldy. Ǵımarattyń sıfrlyq egizi jasaldy»,- dep habarlady áýejaıdan.
Jańa termınal 2024 jyldyń birinshi toqsanynda salynyp bitýi kerek edi.
Biraq, VIP termınaldyń mádenı murasyn baǵalaý boıynsha halyqaralyq saraptama men qoǵammen keńesý jumystary júrgizilgendikten, qurylysty bitirý jumysy 2024 jyldyń jazyna aýystyryldy.
Sondaı-aq Almaty áýejaıynyń baspasóz qyzmeti qarasha aıynyń ortasynda qatysatyn baspasóz máslıhatynda Almaty halyqaralyq áýejaıynyń basshylyǵy qalǵan barlyq suraqtarǵa jaýap beretinin mádimdedi.