Polısıa qyzmetkerleri Ózbekstan azamatynan 81 býma sıntetıkalyq esirtkini tárkiledi, dep habarlaıdy Almaty-akshamy.kz Polisia.kz-ke silteme jasap.
«QR QK-niń 297-baby 3-bóliminiń 1,3 tarmaǵy (aldyn ala sóz baılasý arqyly adamdar tobynda, esirtki, psıhotroptyq zattardy ótkizý maqsatynda zańsyz aınalysý) boıynsha qylmystyq quqyqbuzýshylyq jasady degen kúdikpen 2000 jyly týǵan M.esimdi azamat ustaldy. Jeke tintý kezinde odan erekshe ıisti, aq tústi untaq zaty bar 81 býma tabyldy jáne tárkilendi. Saraptama qorytyndysyna sáıkes, bul – taratýǵa tyıym salynǵan psıhotroptyq zat. Qazirgi ýaqytta qajetti tergeý áreketteri júrgizilip jatyr. Onyń qorytyndysy boıynsha prosesýaldyq sheshim qabyldanatyn bolady», – dedi Áýezov aýdandyq polısıa basqarmasynyń basshysy Ulan Ábilqaıyr.
Tergeý barysynda kúdikti ýaqytsha ustaý ızolátoryna qamaldy. Al jedel ýákilder qalaǵa shópti jetkizý arnalaryn anyqtap jatyr.