Almatyda 24 jastaǵy jigit esirtki zerthanasyn uıymdastyrǵan, – dep habarlaıdy almaty-akshamy.kz
Almatynyń Alataý aýdanyndaǵy turǵyn alabynda sıntetıkalyq esirtkiniń astyrtyn óndirisi órkendegen. Ony 1999 jyly týǵan S.esimdi azamat basqardy.
– Prokýratýranyn úılestirýimen bizdiń bólimshe qyzmetkerleriniń júrgizgen jedel jáne arnaıy is-sharalary Daraboz shaǵyn aýdanyndaǵy úılerdiń birinde, odan ári satý maqsatynda esirtki zattary daıyndalyp jatqanyn anyqtady. Tergeý barysynda úıden 500 gram esirtki – mefedron tabyldy jáne tárkilendi. QR QK-niń 297-baby 1-bóliginde kózdelgen qylmys quramynyń negizinde qylmystyq is tirkeldi. Saraptama taǵaıyndaldy, – dedi Alataý aýdandyq PB-ǵa qarasty polısıa bóliminiń bastyǵy Asqat Dáýletıarov.
QR QK-niń 201-babyna sáıkes ózge aqparat tergeý múddesine oraı jarıa etilmeıdi. QR Konstıtýsıasynyń 77-baby 3-bólimi, 1-tarmaǵy, QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz dep sanalady.