Almaty qalasy boıynsha UQK departamenti qalalyq prokýratýramen birlesip sıntetıkalyq esirtki jasaıtyn jerasty zerthanasyn joıdy. Bul týraly 2024 jyly 1 maýsymda QR UQK málimet taratty, dep habarlaıdy almaty-akshamy.kz QR UQK baspasóz qyzmetine silteme jasap.
Usylynǵan málimetke sáıkes, 16 mamyrda ońtústik astananyń jeke úıleriniń birinde psıhotroptyq zattardy daıyndaý prosesinde Qazaqstannyń eki azamaty ustaldy.
«Tintý barysynda 7 keli «mefedron» psıhotroptyq zaty jáne 200 lıtr prekýrsorlar, sondaı-aq esirtki quraldaryn daıyndaýǵa arnalǵan jabdyqtar alyndy. Tabylǵan esirtkiniń quny «qara» naryqta shamamen 140 mln teńgeni quraýy múmkin», delingen habarlamada.
Sýret: QR UQK baspasóz qyzmeti
Tergeý málimetteri boıynsha, ustalǵan adamdar sheteldik ınternet-dúkenderdiń biriniń múddesi úshin «varshıkter» dep atalatyndar retinde jumys istegen.
«Sottyń sanksıasymen olarǵa qamaýda ustaý túrindegi bultartpaý sharasy tańdaldy. QR Qylmystyq Kodeksiniń 297-babynyń 3-bóligi boıynsha sotqa deıingi tergep-tekserý júrgizilýde», - dep málimdedi QR UQK baspasóz qyzmeti
QR Qylmystyq-prosestik kodekstiń 201-baby 1-bóligine sáıkes ózge aqparat jarıa etýge jatpaıdy.