Olardyń qylmystyq áreketterin esirtki qylmysyna qarsy kúres bóliminiń qyzmetkerleri arnaıy is-shara barysynda áshkereledi.
Pákistan men Úndistannyń eki azamaty Almatyda esirtki kásibin bastaǵan. Olardyń biri Almatydaǵy joǵary oqý oryndarynyń birinde oqıdy, dep habarlaıdy Almaty-akshamy.kz Polisia.kz-ke silteme jasap.
«Kúdiktiler ózderiniń qylmystyq áreketterin júzege asyrý úshin jeke úıdi jalǵa alǵan – bir qyzyǵy, “Máý” fılminiń keıipkerleri esirtki zerthanasyn uıymdastyrǵan úıdi. Turǵyn úıdi tintý kezinde satýǵa daıyn asa iri kólemdegi sıntetıkalyq esirtki, zerthanalyq jabdyqtar, prekýrsorlar tabyldy jáne tárkilendi. Sheteldikterdiń juptasyp jumys istegeni anyqtaldy: biri esirtkini qaınatsa, ekinshisi ony jasyryn qoıý arqyly taratqan. Aıtpaqshy, izdestirý sharalary qaskóılerdiń turǵylyqty jerinde de júrgizildi. Olar “sıntetıka” salynǵan baılamdardy jatyn bólmesinde saqtaǵan. Tárkilengen sıntetıkalyq psıhotroptyq zattardyń jalpy salmaǵy 4 keliden asady. Kúdiktiler qamaýǵa alyndy», – dedi Almaty qalalyq polısıa departamenti bastyǵynyń orynbasary Qýatbek Naýatov.
QR QK-niń 201-babyna sáıkes ózge aqparat tergeý múddesine oraı jarıa etilmeıdi. QR Konstıtýsıasynyń 77-baby 3-bólimi 1-tarmaǵy, QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz dep sanalady.