Almatyda esirtki saýdasymen aınalysqan uıymdasqan qylmystyq toptyń 10 múshesi ustaldy. Bul top prekýrsorlar men narkolaboratorıalarǵa qajetti jabdyqtardy Qazaqstannyń ártúrli óńirlerine jetkizýmen aınalysqan, dep habarlaıdy aqshamnews.kz.
Qylmystyq top óz áreketterin úılestirý úshin Telegram messendjerin paıdalanǵan. Operasıa barysynda úsh qoımada prekýrsorlar saqtalyp turǵany anyqtaldy. Tárkilengen zattardyń jalpy salmaǵy úsh tonnany qurap, quny 420 mıllıon teńgeden asady. Sondaı-aq, esirtki óndirýge arnalǵan qural-jabdyqtar da alynǵan.
«Quqyq qorǵaý organdary kúdiktilerdi ustap, qamaýǵa aldy. Qazirgi ýaqytta tergeý amaldary júrgizilýde. Tergeý maqsatynda qylmystyq toptyń barlyq qatysýshylary anyqtalyp, basqa da osy iske qatysy bar tulǵalar belgili bolady», — dep habarlady ishki ister mınıstrligi.