Almaty qalasynyń ákimi Erbolat Dosaev Almaly aýdanynyń turǵyndarymen kezdesý barysynda aýdan turǵyndaryn sapaly medısınalyq qyzmettermen qamtamasyz etý máseleleri belsendi túrde sheshilip jatqanyn atap ótti.
Sonymen qatar, erekshe qajettilikteri bar balalarǵa arnalǵan jańa sport ortalyǵy salynatyn bolady. Jańa nysan Raıymbek batyr dańǵyly, 312 mekenjaıynda ornalasady. Jobada erekshe qajettilikteri bar adamdarǵa arnalǵan saýyqtyrý jáne jattyǵý sabaqtaryn ótkizýge arnalǵan kópfýnksıonaldy sport ortalyǵynyń qurylysy kózdelgen. Ortalyqta eki baseın bolady. Jobalyq qýattylyǵy aýysymyna 144 adamdy qabyldaı alady.
Qurylys jumystary 2025 jyldyń birinshi toqsanynda bastalyp, sol jyldyń sońynda aıaqtalady dep josparlanǵan.
Sonymen qatar, ákimniń aıtýynsha, bıyl jóndeý jumystary 2010 jyldan beri júrgizilmegen eki áleýmettik nysanda kúrdeli jóndeý bastaldy. Osy jyldyń shilde aıynda Adam reprodýksıasy qalalyq ortalyǵynda jóndeý jumystary bastaldy. №1 bloktaǵy jóndeý jumystary 2023 jyldyń jeltoqsanynda, al №2 bloktaǵy jumystar 2025 jyldyń naýryzynda aıaqtalady.
Sondaı-aq, №3 emhana ǵımaratynyń kúrdeli jóndeý jumystary 2023 jyldyń jeltoqsanynda aıaqtalady.