QR Memlekettik ortalyq mýzeıinde erekshe bilim berý qajettiligi bar balalar men jasóspirimderge, balalar úılerine jáne az qamtylǵan otbasylardan shyqqan balalarǵa arnalǵan «Bulaq» atty úıirme jumysy bastaldy, dep habarlaıdy Almaty-akshamy.kz.
«Bulaq – bul taza sý tirshilik kózi. Ol shólińdi qandyrady, ómirińdi nárlendiredi jáne bizdiń kúshimizdi jańartady. Sonymen, úıirmedegi sabaqtar balalarǵa rýhanı jáne shyǵarmashylyq turǵydan damýǵa, áleýmettenýge, tapsyrmalardy dáıekti oryndaýǵa, zeıindi, ıntellektti, qıaldy, reaksıa jyldamdyǵy men tabandylyqty, sondaı-aq saýsaqtardyń usaq motorıkasyn damytýǵa múmkindik beredi dep úmittenemiz.
«Báıterek – Astana sımvoly» alǵashqy sabaǵyna «Sábı tilegi» qoǵamdyq qorynyń balalary shaqyryldy. Slaıdtyń kómegimen balalarǵa Astananyń qalyptasýy, onyń kórikti jerleri týraly aıtyldy, olardyń arasynda Báıterek Qazaqstannyń bolashaq órkendeýine degen umtylysynyń sımvoly bolyp tabylady. Sodan keıin jas úıirmeshiler óleń oqyp, «Báıterek» aplıkasıasyn jasap, logorıtmıkany oryndady. Sondaı-aq, búldirshinderimiz úshin mýzeı zaldary boıynsha ekskýrsıa júrgizildi.
«Bulaq» úıirme sabaǵy ár beısenbi saıyn ótip turady.