Almatyda er adam satqan kóligin ózi urlap ketken, - dep habarlaıdy aqshamnews.kz tilshisi Polisia.kz-ke silteme jasap.
Almaty qalasynyń krımınaldyq polısıa qyzmetkerleri jol talǵamaıtyn avtokóliktiń urlaný deregin ashty. Qylmys muqıat josparlanǵanymen, polıseılerdiń jedel ári úılesimdi áreketteriniń arqasynda kúdikti anyqtalyp, qolǵa tústi.
Kóliktiń burynǵy ıesi, 1982 jyly týǵan er adam, úsh jyl buryn avtokóligin satqan, alaıda qosalqy kiltin ózinde alyp qalǵan. Keıin ol jeke paıdany kózdep, kóliktiń qazirgi turǵan ornyn anyqtap, qosalqy kilt arqyly urlyq jasaǵan.
Qylmys izin jasyrý úshin kúdikti aldyn ala daıyndalǵan: betperde, aýystyratyn kıim satyp alyp, urlyqtan keıin syrt kelbetin ózgertip, beınebaqylaý kameralaryna túsip qalmaýǵa tyrysqan. Urlanǵan kólik qalanyń shetine jasyrylǵan, keıinnen ony polısıa qyzmetkerleri tapty.
"Qylmys qanshalyqty muqıat josparlansa da, jaýapkershilikten qutylý múmkin emes. Zańdy buzǵan árbir adam onyń jazasyz qalmaıtynyn bilýi kerek. Kúdiktige qatysty sotaldy tergeý júrgizilip jatyr. Ol óz kinásin moıyndap, jaýap berip jatyr. Avtokólik tárkilendi", – dedi, Almaty qalalyq PD krımınaldyq polısıa basqarmasynyń bastyǵy Talant Isaev.