Qazaqstanda atom elektr stansıasyn salý máselesine arnalǵan referendýmǵa temirjol salasyndaǵy jalpy eńbek ótili 826 jyl bolatyn Qapyshevter otbasynyń músheleri qatysty.
Áýlet músheleri Medeý aýdanyndaǵy №100 mektepte ornalasqan №407 saılaý ýchaskesine kelip, daýys berdi, dep habarlaıdy aqshamnews.kz.
«Azamattardyń referendýmǵa qatysýy – qoǵamnyń bolashaǵyn jáne damý baǵytyn túsinýge jasalǵan mańyzdy qadam. Búgin árbir azamat óz tańdaýyn jasaýǵa múmkindik aldy. Eldegi qarqyndy ózgeris jaǵdaıynda referendým nátıjesi bizge damý qozǵalysynyń vektoryn kórsetedi», – dedi Murat Qapyshev.
Temirjolshylar áýletiniń tarıhy shamamen bir ǵasyr buryn bastalǵan. Otbasynyń úsh býynynda 26 adam osy salany tańdaǵan. Qazir temirjol salasynda 10 otbasy múshesi jumys isteıdi, olar sheberden bastap basshylyq qyzmetke deıin ártúrli laýazymdy atqarady. Bıyl Qapyshevter áýleti «Mereıli otbasy» qalalyq baıqaýynyń jeńimpazy atanǵan.