Almatyda 2024 jyldyń 20 qyrkúıeginde Eńbek kúnine arnalǵan jalpy qalalyq Bos oryndar jármeńkesi ótedi.
Bul týraly Óńirlik komýnıkasıalar qyzmetiniń brıfıńinde Mansap ortalyǵynyń basshysy Ádilet Jańabaev málimdedi, dep habarlaıdy aqshamnews.kz.
Jármeńkede qalanyń 60 kásiporny usynylady, olar 300-den astam jumys ornyna 1000-nan astam bos jumys oryndaryn usynady.
«Jármeńkeniń negizgi maqsaty oqý oryndarynyń túlekterin jáne barlyq jumys izdeýshilerdi jumysqa ornalastyrýǵa járdemdesý bolyp tabylady. İs-sharaǵa qyzmet kórsetý, qarjy, óndiris, saýda, qoǵamdyq tamaqtaný jáne basqa da salalardyń ókilderi qatysady. Jumys izdeýshiler jumys berýshilermen jeke sóılese alady, óz túıindemelerin usyna alady, jumys sharttaryn talqylaı alady jáne aldyn ala áńgimelesýden óte alady», - dep bólisti Á.Jańabaev.
Jármeńkeniń ótetin orny: Jibek joly dańǵyly, Panfılov kóshesi qıylysy (Arbat) saǵat 14:00-de.
Jármeńkede jastar men jumyssyz azamattarǵa erekshe kóńil bólinedi.
Sonymen qatar, spıker halyqty jumyspen qamtýdy qoldaýǵa baǵyttalǵan birqatar memlekettik baǵdarlamalar týraly da atap ótti. Qatysýshylar suranysqa ıe mamandyqtar boıynsha tegin kásiptik oqýdan óte alady, sondaı-aq «Jastar praktıkasy» jáne «Alǵashqy jumys orny» baǵdarlamalaryn paıdalana alady.
Tolyǵyraq aqparatty Dostyq dańǵyly, 85 mekenjaıynda ornalasqan Almaty qalasynyń Mansap ortalyǵynan nemese + 7 727 310-47-82 telefon nómiri boıynsha alýǵa bolady.