Almatyda jastar kásipkerligin qoldaýǵa baǵyttalǵan «ENACTUS Kazakhstan Business Collaboration Forum 2025» forýmy ótti, dep habarlaıdy aqshamnews.kz
Bul týraly Qalanyń jastar saıasaty basqarmasy habarlady.
Forýmǵa elimizdiń 20 óńirinen kelgen stýdenttik jáne mektep komandalary, bıznes ókilderi men sarapshylar qatysty. İs-shara ENACTUS baǵdarlamasynyń Qazaqstandaǵy 30-maýsymyn ashyp, 2026 jylǵy ulttyq chempıonatqa daıyndyq ispetti boldy. Bıyl baǵdarlamaǵa 230 komanda qatysyp otyr. Bul sońǵy jyldardaǵy eń aýqymdy kórsetkishterdiń biri.
İs-shara barysynda Almaty qalasy ákiminiń orynbasary Abzal Núkenov jastar kásipkerligi qalanyń damýy úshin mańyzdy ekenin atady.
«Almaty – múmkindikter men ıdeıalar qalasy. ENACTUS sıaqty bastamalar jastarǵa arman-maqsatyn naqty jobaǵa aınaldyryp, qoǵam men ekonomıkaǵa paıda ákelýge jol ashady. Biz árbir belsendi jasty qoldaýǵa daıynbyz», – dedi Abzal Núkenov.
Bıyl 230 komanda qatysyp, jańa jobalyq kezeńniń mańyzyn aıqyn kórsete bildi.
Forým barysynda qatysýshylar ESG baǵyty, jasyl tehnologıa, bolashaq mamandyqtar men jasandy ıntellekt jóninde talqylap, óziniń áleýmettik jáne bıznes-jobalaryn tanystyrdy. Komandalarǵa tálimgerlik qoldaý kórsetilip, jańa seriktestik baılanys ornatýǵa múmkindik berdi.