Ulttyq bank tóraǵasynyń orynbasary Berik Sholpanqulov krıptovalúta aıyrbastaý pýnktterin ashý tártibin túsindirdi, dep habarlaıdy aqshamnews.kz
Osy ýaqytqa deıin kásipkerlerden krıptovalúta aıyrbastaý pýnktterin ashýǵa 72 ótinim túsken. Biraq barlyǵy bank týraly zańnyń qabyldanǵanyn kútip otyr. Ol qujatty kúni keshe májilis depýtattary senattyń qaraýyna jiberip qoıdy.
"Zań jeltoqsannyń sońyna deıin qabyldanady. Odan keıin normatıvtik-quqyqtyq aktilerdi rásimdeýge úsh aı beriledi. Sonyń ishinde ótinim berý, qaraý jáne lısenzıa berý sharalary bar. Al krıptovalúta aıyrbastaý pýnkteri ashylǵannan keıin krıptovalútany emin-erkin aıyrbastaýǵa bolady, kádimgideı dollardy qalaı aıyrbastaımyz, týra solaı krıptovalútany aıyrbastaýǵa múmkindik bolady",-dedi Sholpanqulov.
Onyń aıtýynsha, krıptovalúta aıyrbastaý pýnktterine qatysty talaptar bolady. Atap aıtqanda, aqsha aınalymy bankter arqyly ótýi kerek. Al krıpto ámıan halyqaralyq qarjy ortalyǵynda tirkelýi shart.
Aıta keteri, qazirgi kezde Qazaqstandaǵy krıptovalúta "Astana" halyqaralyq qarjy ortalyǵy aıasynda rettelgen. Bıyl qańtar-qyrkúıek aılarynda ol jaqta krıptoaktıvterdiń jalpy aınalymy 5,4 mlrd dollardy qurady. Al jańa zańmen krıptovalútany respýblıka aýmaǵynda retteý tetikteri engiziledi.