Almatyda 17 qarasha – Halyqaralyq stýdentter kúnine oraı Almaty qalasy Jastar saıasaty basqarmasynyń qoldaýymen ALMATY STUDENT WEEK aptalyǵy aıasynda «Eń úzdik stýdenttik top - 2024» baıqaýynyń fınaldyq kezeńi ótti.
Baıqaý Almatydaǵy JOO jáne kolej stýdentteriniń basyn bir ortaǵa biriktirdi. Baıqaýǵa qatysý úshin 30-dan asa ótinim kelip tústi. Saıysqa jalpy Almatynyń 300-den astam stýdent jastary qatysýǵa nıet bildirdi.
Baıqaý sharty boıynsha alǵashqy kezeńde stýdenttik toptar portfolıo jınap, top jetistikteri men sabaq úlgerimderi boıynsha baǵalandy. Fınaldyq kezeńde stýdenttik toptar óz oqý orny men mamandyqtaryn tanystyryp, áleýmettik jobalaryn qorǵady. Fınaldyq kezeńge úzdik dep tanylǵan 17 top qatysty.
Baıqaý qorytyndasy boıynsha Almaty memlekettik bıznes kolejiniń «BusinessLAB» stýdenttik toby qalanyń «Eń úzdik stýdenttik toby» bolyp tanyldy. Al II oryndy Qazaq ultyq agrarlyq ýnıversıtetiniń «DreamTeams» stýdenttik toby, III oryndy Qazaq ulttyq qyzdar pedagogıkalyq ýnıversıtetiniń «Histrue» stýdenttik toby ıelendi. Jeńimpazdar dıplomdar men aqshalaı sertıfıkattarmen marapattaldy.
Almaty qalasy Jastardy áleýmettendirý jáne jastar bastamalaryn qoldaý bóliminiń basshysy Bekqaıyrov Nursultan Bolatuly «Eń úzdik stýdenttik top» baıqaýynyń deńgeıiniń ósip jatqanyn aıtyp, barsha qatysýshylar men kesh qonaqtaryna óz alǵysyn bildirdi
«Qurmetti, jastar! Sizderdi halyqaralyq stýdentter kúnimen shyn júrekten quttyqtaımyz! Almaty qalasynda ótkizip jatqan stýdenttik kezderińiz árdaıym esterińizde qalatyndaı qyzyqty ári paıdaly, sapaly bolýyna Jastar saıasaty basqarmasy jumys jasap jatyrmyz. Halyqaralyq stýdentter kúnine arnalǵan «Almaty student`s week» aptalyǵy aıasynda uıymdastyrylǵan «Eń úzdik stýdenttik top» jobasy eń úlken sharalardyń biri. Búgingi is-sharada jeńiske jetken barlyq toptardy shyn júrekten quttyqtaımyz!»
Ekinshi jyl qatarynan ótkizilip jatqan bul dástúrli shara qalamyzdyń talantty jáne bilimdi stýdent jastaryn anyqtaýǵa úlken múmkindik berýde. Uıymdastyrýshylardyń aıtýy boıynsha, bul saıys kelesi jyly da jalǵasyn tappaq.