Almatyda neırohırýrg dárigerler eki qart ájeıdi sal bolyp qalýdan qutqardy.
Qalalyq densaýlyq saqtaý basqarmasynan málim etkendeı, eki zeınetker Ortalyq qalalyq klınıkalyq aýrýhanasyna birdeı dıagnozben júgingen. Iaǵnı, julyn kanalyndaǵy júıke tininiń isigi, dep habarlaıdy Almaty-akshamy.kz.
Naýqastardyń aıtýynsha, olar jasyna jáne basqa da ilespe aýrýlaryna baılanysty ota jasatýǵa qorqyp, emshilerden em izdegen.
Biraq jaǵdaıy nasharlap, dárigerge júgingen.
«Otanyń qıyndyǵy — isiktiń julynnyń syrtynda emes ishinde ornalasýynda boldy. Julynnyń ózine zaqym keltirý qaýpi joǵary edi. Qudaıǵa shúkir, eki operasıa da sátti ótti jáne árqaısy shamamen 3,5 saǵatqa sozyldy. Bul otalardy jasaý barysynda biz óz qozǵalysymyzdy baqylaý jáne julynnyń saý bólikteriniń zaqymdanýyn boldyrmaý úshin neıromonıtorlar men neıronavıgasıalyq júıeni qoldandyq», - deıdi OQKA neırohırýrgıa bóliminiń meńgerýshisi Marat Almatov.
Otadan keıingi kezeńde naýqastar stasıonarda ońaltýdan ótti, nátıjesinde 12 kún ishinde aıaqtyń nevrologıalyq buzylysynyń regressıasy 80%-ǵa deıin jetti.