Almatyda erekshe qajettiligi bar balalar plasıkten jańa jyldyq oıynshyqtar jasaýda
Jalpy respýblıkalyq «Taza Qazaqstan» baǵdarlamasy aıasynda Almatyda 28 qarashadan bastap erekshe ekologıalyq bastama – «Ekologıadaǵy ınklúzıa – Jańa jyldyq ǵajaıyp» jobasy júzege asyrylýda. Aksıa aıasynda qala turǵyndary men kompanıalar qaıta óńdelgen plasıkten jasalǵan shyrsha oıynshyqtary men jańa jyldyq áshekeılerdi satyp ala alady. Bul ónimderdi erekshe qajettilikteri bar balalar jasaǵan, dep habarlaıdy aqshamnews.kz
Jobaǵa qazirdiń ózinde Bolat Ótemuratov qory, Rams kompanıasy, Eýrazıalyq bank, Almaly holdıńi jáne basqa da qoǵamdyq qorlar men kompanıalar qatysýda. Barlyq oıynshyq eko-trenerlerdiń jetekshiligimen shyǵarmashylyq sheberlik dáristerinde jasalady. Balalar materıaldarmen jumys isteýdi ǵana emes, sonymen qatar ekologıalyq mádenıetti qalyptastyrýǵa úles qosady.
Jobanyń bastamashysy Evgenıı Muhamedjanov:
«Balalarǵa merekeniń mańyzdy bóligi ekenin sezinýge múmkindik bergimiz keledi. Olardyń eńbegi baǵalanady, óz qolymen keremet nárse jasaı alatynyna senedi. Eger bala óziniń oıynshyǵyn qaladaǵy shyrshadan nemese dúken sóresinen kórse, bul oǵan úlken shabyt pen qýanysh syılaıdy».
Múshe kompanıalar keńselerine, sórelerine nemese jańa jyldyq korporatıvtik syılyqtaryn bezendirý úshin erekshe áshekeılerge tapsyrys bere alady. Eko-Hab kez kelgen adamdy aksıaǵa qosylýǵa shaqyrady, al mereke aıaqtalǵan soń oıynshyqtardy qaıta óńdeýge ótkizýge bolady, osylaısha materıaldy paıdaǵa asyrýǵa bolady.
Eske salaıyq, Memleket basshysynyń bastamasymen qolǵa alynǵan «Taza Qazaqstan» respýblıkalyq baǵdarlamasy eldi mekender aýmaǵyn kóriktendirýge jáne kógaldandyrýǵa baǵyttalǵan. Baǵdarlamanyń basty maqsaty – tabıǵatqa uqypty qaraý qundylyǵyn qalyptastyrý, azamattyq jaýapkershilikti arttyrý jáne halyqtyń ekologıalyq mádenıetin damytý.
Tolyq aqparat alý jáne tapsyrys berý úshin Eko-Habqa habarlasyńyz: Mekenjaıy: Markov kóshesi, 44 Telefon: +7 707 358 9992.