Ekeýinen de iri mólsherdegi esirtki zattary tárkilendi.
Almatynyń eki aýdanynda esirtki qylmysynyń joly kesildi, dep habarlaıdy Almaty-akshamy.kz Polisia.kz-ke silteme jasap.
Birinshi jaǵdaıda 27 jastaǵy er adam ustaldy. Ony jeke tintý kezinde polıseıler aq tústi untaqty zat salynǵan býmany tárkiledi.
«QR QK-niń 296-baby 4-bóliginde kózdelgen qylmys belgileri boıynsha qylmystyq is qozǵaldy. Saraptama qorytyndysyna sáıkes, bul zat – asa iri mólsherdegi sıntetıkalyq esirtki. Belgili bolǵandaı, ustalǵan azamat qurylysshy bolyp jumys isteıdi jáne esirtkini «ózine» satyp alǵan. Tergeý barysynda kúdikti ýaqytsha ustaý ızolátoryna qamaldy», – dedi Áýezov aýdandyq polısıa basqarmasynyń bastyǵy Ulan Ábilqaıyr.
Al qalanyń Almaly aýdanynda 40 jastaǵy jumyssyz azamat ustaldy. Ol esirtkini qoıyp ketýmen aınalysqan.
«Jedel izdestirý is-sharalary barysynda esirtkini zańsyz satyp aldy jáne saqtady degen kúdikpen 40 jastaǵy J.esimdi azamat ustaldy. Jeke tintý kezinde ishinde aqshyl tústi untaqty zaty bar, qara ızolentaǵa oralǵan 16 býma tabyldy jáne tárkilendi. Saraptama taǵaıyndaldy, onyń qorytyndysy boıynsha prosesýaldyq sheshim qabyldanatyn bolady», – dedi Almaly aýdandyq polısıa basqarmasynyń bastyǵy Esen Ysqaqov.
Ustalǵan adamnyń aıtýynsha, bul zat - ınternet arqyly satyp alynǵan sıntetıkalyq mefedron esirtkisi. Ol býmalardy mekenjaılarǵa aparý kerek bolatyn. Atalǵan derek boıynsha QR QK-niń 296-baby 2-bóligine sáıkes qylmystyq is tirkeldi.