Olar urlaǵan zattarymen qaladan ketýdi josparlaǵan
Almatyda polıseıler arnaıy is-shara kezinde eki er adamnan qarý-jaraq pen arnaıy quraldar tárkiledi, dep habarlaıdy Almaty-akshamy.kz.
Qalalyq krımınaldyq polısıanyń habarlaýynsha, eki qarý-jaraq dúkenin tonady degen kúdikpen Jambyl oblysynyń 44 jastaǵy turǵyny men Almaty oblysynan kelgen 24 jastaǵy er adam ustaldy.
Jalǵa alynǵan páterdi tintý kezinde ańshy myltyǵy, patrondar, oqtan qorǵaıtyn keýdeshe, dúrbi, áskerılendirilgen kıimder, uıaly telefondar men kıetin zattar tabylyp, tárkilendi.
Kúdiktiler tonaǵandaryn moıyndady. Olar urlaǵan zattarymen qaladan ketýdi josparlaǵandaryn aıtty. Ustalǵandardyń jeke basy jappaı tártipsizdikterge jáne basqa da zańsyz áreketterge qatysy bar-joǵyna tekserilýde.
