İshki ister mınıstrligi uıaly baılanys operatorlarymen birlese otyryp, el aýmaǵynda ınternet-alaıaqtyq qyzmetiniń jolyn kesý boıynsha jumystardy jalǵastyrýda, dep habarlaıdy aqshamnews.kz
Alaıaqtar qazaqstandyqtarǵa qońyraý shalý úshin SIM-box qurylǵylaryn paıdalanyp, túrli messendjerler arqyly áreket etedi. Qylmyskerlerdiń belgili bir elde bolýy mindetti emes, olarǵa jergilikti uıaly baılanys operatorlarynyń ınternet-trafıgin qoldanatyn SIM-box qurylǵylary jetkilikti. Bul qurylǵylar jalǵan nómirlermen baılanys ornatýǵa múmkindik beredi.
Jańa jyl qarsańynda Almaty qalalyq polısıa departamenti İİM kıberqylmysqa qarsy is-qımyl departamentiniń úılestirýimen jaldamaly páterde SIM-box qurylǵysyn paıdalanyp, ony úzdiksiz jumys istetken 25 jastaǵy eki er adamdy ustady.
Tintý barysynda tárkilengen zattar:
- Árqaısysy 32 slottan turatyn tórt SIM-box qurylǵysy;
- 190 SIM-karta (qazaqstandyq uıaly baılanys operatorlarynyń);
- Telefondar men noýtbýktar.
Qazirgi ýaqytta tergeý amaldary júrgizilip jatyr. Ustalǵandarǵa qatysty "qamaýda ustaý" bultartpaý sharasy qoldanyldy. Quqyq qorǵaý organdary azamattardy muqıat bolýǵa shaqyrady jáne kez kelgen kúdikti jaǵdaılar týraly habarlaýdy ótinedi.