Almaty qalasyndaǵy Perınatologıa jáne balalar kardıohırýrgıasy ortalyǵynyń dárigerlerimen birlesip, egizderge júkti, uryqtyń patologıasy dıagnozy qoıylǵan 5 áıelge tamyrly anastomozdardy lazerlik koagýlásıalaý boıynsha bes biregeı operasıa sátti jasaldy, dep habarlaıdy aqshamnews.kz.
QR Densaýlyq saqtaý mınıstrliginiń málimetinshe, hırýrgtar júktiligi 20, 21, 27 apta bolǵan analarǵa qursaqishilik biregeı operasıalar jasaǵan. Operasıalarǵa Reseı Densaýlyq saqtaý mınıstrliginiń V. I. Kýlakov atyndaǵy Akýsherlik, gınekologıa jáne perınatologıa ulttyq medısınalyq zertteý ortalyǵynyń últradybystyq jáne fýnksıonaldyq dıagnostıka bóliminiń meńgerýshisi, medısına ǵylymdarynyń doktory, ana men uryq medısınasy qoǵamynyń múshesi (SMFM, AQSH) Kırıll Vıtalevıch Kostúkov qatysty.
Perınatologıa jáne balalar kardıohırýrgıasy ortalyǵy Qazaqstan Respýblıkasy Densaýlyq saqtaý mınıstrliginiń eldegi uryq hırýrgıasyn engizý jáne damytý jónindegi alǵashqy pılottyq jobasy bolyp tabylatynyn atap ótý mańyzdy.
Fetaldyq medısına (uryq hırýrgıasy) – bul qursaqtaǵy uryq emdeletin joǵary mamandandyrylǵan medısına salasy. Uryq hırýrgıasy uryqtyń erte patologıalyq jaǵdaılaryn az ınvazıvti emsharalarmúen túzetýge jáne emdeýge múmkindik beretin ınovasıalyq tehnologıalarǵa negizdelgen, bul anaǵa saý bala týyp, baqytty ana bolýǵa múmkindik beredi.
Fetaldyq hırýrgıa boıynsha mpaster-klass 2024 jylǵy jeltoqsanda Qazaqstan Respýblıkasy Densaýlyq saqtaý mınıstrliginiń, Almaty qalasy ákimdiginiń jáne «Aıala» qaıyrymdylyq qorynyń qoldaýymen Perınatologıa jáne balalar kardıohırýrgıasy ortalyǵynyń bazasynda ótti.