Almaty polısıasy qalta urysyn qolǵa túsirdi.
Belgili bolǵandaı, egde jastaǵy er adam qalalyq qoǵamdyq kólikte jolaýshylardyń nazaryn aýdarmaǵan. Bul oǵan azamattardyń qaltasynan ámıandar men telefondardy eptilikpen shyǵaryp alýǵa yńǵaıly boldy, dep habarlaıdy Almaty-akshamy.kz Polisia.kz-ke silteme jasap.
«Almaty oblysynyń týmasy qalanyń Almaly aýdanynda «jumys istegen». Urlyq Tóle bı dańǵylymen júretin qoǵamdyq kólikterdiń baǵyttarynda jasalǵan. Ol sońǵy urlyǵyn Tóle bı dańǵyly men Baıtursynov kóshesiniń qıylysynda 201-shi qoǵamdyq kólikte jasady. Er adam jolaýshynyń qaltasynan IPhone telefonyn urlap ketken. Qaskóı ustalǵannan keıin mobıldi qurylǵy tárkilendi. Qazirgi ýaqytta sotqa deıingi tergeý amaldary júrgizilip jatyr. Kúdikti qamaýǵa alyndy», – dedi Almaty qalalyq polısıa departamenti bastyǵynyń orynbasary Dıdar Ahanov.
Qazirgi ýaqytta ustalǵan azamattyń alty qalta urlyǵyna qatystylyǵy dáleldendi. Sonymen qatar, polısıa qyzmetkerleri qaskóıdiń qala aýmaǵynda jasalǵan osyǵan uqsas basqa da qylmystarǵa qatysy bar-joǵyn anyqtap jatyr.