Medeý aýdandyq polısıa qyzmetkerleri dúkenderden urlyq jasaý derekterin anyqtady, dep habarlaıdy Almaty-akshamy.kz Polisia.kz-ke silteme jasap.
«QR QK-niń 188-baby 3-bóliginiń 2-3-tarmaǵynda kózdelgen qylmystyq quqyqbuzýshylyqty jasady degen kúdikpen 37 jastaǵy B. esimdi azamat ustaldy. Tergeý barysynda kúdikti zańsyz baıý maqsatynda túngi ýaqytta terezelerdi syndyryp, dúkenderge kirip, kasadan aqsha men halyq tutynatyn taýarlardy urlaǵany anyqtaldy. Qaskóı ustaldy. Ol bizdiń aýdan aýmaǵyndaǵy eki dúkennen urlyq jasaǵanyn moıyndady», – dedi Medeý aýdandyq polısıa basqarmasynyń bastyǵy Dáýren Ótebaev.
Spıkerdiń aıtýynsha, qazirgi ýaqytta kúdiktiniń Almaty qalasy boıynsha osyǵan uqsas, buryn jasalǵan qylmystarǵa qatysy bar-joǵy tekserilýde.
«Osy adamnyń qylmystyq áreketinen zardap shekken azamattar bar bolsa, Medeý aýdandyq PB-nyń kezekshi bólimine nemese myna telefon nómirlerine habarlasýlaryńyzdy suraımyz: 8 (727) 254-48-02; 254-48-10 jáne 8-702-476-66-60», – dep atap ótti D. Ótebaev.