Eske salsaq, «Taza Qazaqstan» jalpy respýblıkalyq baǵdarlamasy aıasynda Almatyda plasıkalyq qaqpaqtardy jınaý jónindegi ekologıalyq aksıanyń 2 aıǵa jýyq ýaqytqa sozylǵan birinshi maýsymy sátti aıaqtaldy, dep habarlaıdy aqshamnews.kz
Ekologıa máselelerine nazar aýdarýǵa baǵyttalǵan bastama 200-ge jýyq mektep pen balabaqsha oqýshylaryn biriktirdi.
- Aksıaǵa kóptegen oqýshylar men ata-analar qatysqanyna qýanyshtymyz. Bul balalardyń qorshaǵan ortaǵa uqypty qaraıtyndyǵynyń belgisi. Qyzyqty áńgimeler boldy - maǵan ata - analar qońyraý shaldy, olar úıde balalar sýsynnyń qaqpaǵyn alyp jatyr dep aıtty, - deıdi Eco Network startapynyń negizin qalaýshy Evgenıı Muhamedjanov kúlimsirep, - ata-analardyń balalarynyń arqasynda ekologıaǵa qyzyǵýshylyq tanytýy da qýantady. Biz ákimdiktiń osyndaı jobany iske qosqanyna qýanyshtymyz jáne ol óte sátti boldy.
Birlesken kúsh-jigerdiń nátıjesinde qatysýshylar 1,26 mıllıonnan astam plasıkalyq qaqpaqtardy jınady.
Aksıanyń kóshbasshylary qalanyń úsh aýdany boldy:
• Jetisý aýdany - 570 kg (jalpy kólemniń 22,7%);
• Almaly aýdany - 484 kg (19,3%);
• Áýezov aýdany - 328 kg (13,0%).
Qala boıynsha barlyq qatysýshylardyń ishinen top-3 jeńimpaz anyqtaldy:
1 oryn - №6 mektep;
2 oryn - №144 mektep;
3 oryn - №132 balabaqsha.
Áýezov aýdanynyń №6 mektep-gımnazıasynyń jeńimpazdary 2 aı ishinde 120 keli qaqpaq jınap, barlyq 200 qatysýshyny basyp ozdy.
- Biz aksıaǵa birinshi jyl qatysyp otyrǵan joqpyz, bul týraly bilim bóliminen bildik. Bizdiń balalar bul aksıaǵa óte belsendi qatysty-tipti synyptar arasynda da olar bir-birimen jarysty. Biz olardyń qaqpaqtardy qaı jerde bolsa da úlken qyzyǵýshylyqpen jınaǵanyn kórdik, -deıdi №6 mektep-gımnazıa dırektorynyń tárbıe rabote jónindegi orynbasary Roza Dosanova. - Aksıaǵa ata-analar da qatysty. Osyndaı is-sharalar arqyly balalar qoqystyń qandaı ekendigi, ony qalaı qaıta paıdalanýǵa bolatyndyǵy jáne ony ne úshin suryptaıtynymyz týraly bilim alady. Bul naýqan óte jaqsy! Barlyq uıymdastyrýshylarǵa kóp rahmet! Bizdiń mektep aldaǵy ýaqytta osyndaı aksıalarǵa qatysatyn bolady, - dedi ol.
Barlyq úsh jeńimpazǵa syılyq retinde velo-usaqtaǵyshtar beriledi, sonyń arqasynda olar qaqpaqtardy usaqtap, shıkizatty óńdeý jáne ártúrli zattardy jasaý úshin eko-habqa jibere alady.
Sonymen qatar, eko-habtaǵy jeńimpazdar úshin ekologıa boıynsha dárister uıymdastyrylady, sondaı-aq olar óz qoldarymen qaıta óńdelgen plasıkten shyrsha oıynshyqtaryn jasaı alady.
İs-shara barysynda biregeı buıymdary bar eko-jármeńke jáne qaldyqtardy qaıta óńdeý boıynsha master-klasstar, ekologıalyq tájirıbeler boıynsha oqytý sesıalary ótti.
Uıymdastyrýshylar 2025 jyly plasıkalyq qaqpaqtardy jınaý aksıasy Almatynyń ekologıalyq mádenıetin qalyptastyrý jónindegi jalpy naýqannyń turaqty bóligine aınalatynyn atap ótti. Mundaı bastamalar qalany kórkeıtip qana qoımaı, qaıta óńdeýdiń mańyzdylyǵyn eske túsirip, qorshaǵan ortany saqtaý jaýapkershiligin de oıatady.