Almatydaǵy dızel otynynyń jaǵdaıyna qatysty aqparat
Almaty qalasynda 213 avtojanarmaı quıý stansıasy jumys isteıdi, onyń ishinde iri 6 jelige 176 janarmaı quıý beketi nemese 82% tıesili, - dep habarlaıdy almaty-akshamy.kz
Almaty qalasyna JJM jetkizý úsh munaı óńdeý zaýytynan júzege asyrylady: Shymkent «Petro Qazaqstan Oıl prodakts» munaı óńdeý zaýyty (PKOP úlesi – 40%), Pavlodar munaı-hımıa zaýyty (PMHZ úlesi – 35%), Atyraý munaı óńdeý zaýyty (AMÓZ úlesi – 25%).
Aǵymdaǵy jyldyń 15 naýryzynan bastap Shymkent munaı óńdeý zaýyty kúrdeli jóndeýge jabyldy, osyǵan baılanysty Almaty qalasynda dızel otynyn jetkizý toqtatyldy. Osy kezeńde PMHZ men AMÓZ-den dızel otynyn jetkizý shamamen 12 myń tonnany qurady.
Búginde iri jelilik JQS jáne qalanyń munaı bazalarynda shamamen 8,8 myń tonna dızel otyny bar, 4-5 kún ishinde shamamen 4,7 myń tonna jetkiziledi dep kútilýde.
Sońǵy ýaqytta Almaty qalasynda Almaty oblysynyń turǵyndary, sondaı-aq tranzıttik kólik ıeleri tarapynan dızel otynyna degen suranys artty, bul tutynýdyń bir mezgilde 30-35%-ǵa ósýine sebep boldy jáne jekelegen JMQS-ǵa úzilispen jetkizilýine (rezervýarlardyń ýaqtyly tolmaýynyń ákeldi.
Qala turǵyndaryn, avtobýs parkteri men komýnaldyq qyzmetterdi qamtamasyz etý maqsatynda jekelegen janarmaı quıý beketterine dızel otynynyń shekteýli shyǵarylymy engizildi.
Qazirgi ýaqytta Almaty qalasynyń ákimdigi QTJ jáne JMQS jelilerimen birlesip turaqty negizde jolda dızel otynyna monıtorıń júrgizedi, basqa óńirlerde vagondardyń toqtap qalýyna baılanysty máseleler jedel pysyqtalýda.
Shymkent munaı óńdeý zaýytynda óndiris qaıta bastalǵannan keıin jaǵdaı turaqtanady dep kútilýde. QR Energetıka mınıstrliginiń aldyn ala aqparaty boıynsha, PKOP jóndeý jumystary aǵymdaǵy jyldyń sáýir aıynyń birinshi onkúndiginde aıaqtalady.