Almatylyq avtokólik ıeleri dızel tapshylyǵyn sezine bastady.
Biraq qalalyq kásipkerlik jáne ınvestısıalar basqarmasy bolsa, qalada dızel tapshylyǵy joq dep málimdedi. Al keıbir janarmaı quıý beketterindegi qalyptasqan kezek ózge óńirlerden júk kólikteriniń kelýine baılanysty bolǵan, dep habarlaıdy Almaty-akshamy.kz 24.kz saıtyna silteme jasap.
«Qazirgi ýaqytta qala ákimdigi Energetıka mınıstrligimen birlesip Almatyny dızeldik otynmen qamtamasyz etý jumysyn atqaryp jatyr. Janarmaıdy kóterme saýda arqyly berýshilermen jáne Qazaqstan temir joly ulttyq kompanıasymen ónimdi jetkizýde eshqandaı kedergilerdiń bolmaýy úshin máseleni nazarǵa aldyq. Dızel tapshylyǵy joq», - deıdi qalalyq kásipkerlik jáne ınvestısıalar basshysynyń orynbasary Qanat Saǵyndyqov.
Turǵyndardyń aıtýynsha, dızeldik janarmaı tek talonmen ǵana quıylady. Al talon tabýdyń ózi qıyn. Ony ádette janarmaı quıý beketterimen aldyn ala kelisim jasaıtyn mekemeler men kompanıalar satyp alady.
«Meniń mopedim dızelmen júredi. Dızel izdep qalany sharlap, 5 janarmaı quıý beketine bardym»
«Eki jetiden beri kerekti dızeldi quıa almaı júrmin. Myna janar-jaǵarmaı quıý beketine kúnde kelemin. Olar erteń bolady dep aıtady. Alaıda búgin de joq», - deıdi turǵyndar.