Almatyda dinı ekstremıstik ádebıetterdi taratty degen kúdikpen sheteldik azamat ustaldy, - dep habarlaıdy aqshamnews.kz Polisia.kz saıtyna silteme jasap.
Almaty polısıasy qalalyq UQKD men polısıanyń arnaıy jasaqtarynyń kómegimen sheteldik azamatty ustady. Onyń dinı joralǵylardy, onyń ishinde okúltızmmen aınalysqany, sondaı-aq Qazaqstanda tyıym salynǵan ekstremıstik uıymnyń ıdeologıasynyń belgileri bar dinı materıaldardy taratqany belgili boldy.
Ruqsat etilgen tintý kezinde tergeýge qatysy bar zattar men materıaldar tárkilendi. Qylmystyq is qozǵaldy. Ustalǵan azamat ýaqytsha ustaý ızolátoryna qamaldy.
"Azamattyǵy men turǵylyqty jerine qaramastan destrýktıvti dinı ıdeologıany taratýǵa baǵyttalǵan kez kelgen is-áreketterge tosqaýyl qoıylady. Ulttyq qaýipsizdik pen konfesıaaralyq tatýlyq – bizdiń jumysymyzdyń basym baǵyty", - dedi Almaty PD ekstremızmge qarsy kúres basqarmasynyń bastyǵy Asqat Dáýletıarov.