Tıisti zań jobasyna Almaty qalasy Din isteri basqarmasy uıytqy boldy: ony barlyq múddeli azamat talqylaı alady, dep habarlaıdy Almaty-akshamy.kz
Almaty qalasy Din isteri basqarmasy «Dinı ádebıetti jáne dinı mazmundaǵy ózge de aqparattyq materıaldardy, dinı maqsattaǵy zattardy taratý úshin arnaıy turaqty úı-jaılardyń ornalastyrylýyn bekitý týraly» ákimdik qaýlysynyń jańa jobasyn ázirledi. Osy jobaǵa qosymshada dinı ádebıetterdi jáne dinı mazmundaǵy ózge de aqparattyq materıaldardy taratýǵa ruqsat etilgen qala aýmaǵyndaǵy 29 turaqty úı-jaılardyń tizimi kórsetilgen. Osy qaýlynyń jobasy Qazaqstan Respýblıkasynyń qoldanystaǵy zańnamalaryna qaıshy kelmeıdi jáne normatıvtik quqyqtyq aktilerge qoıylǵan talaptarǵa jaýap beredi. Ol normatıvtik quqyqtyq akt www.legalacts.egov.kz ınternet-portalda 07.08.2023 j. 24.07.2023 j. deıin ornalastyrylǵan. Barlyq múddeli azamat myna silteme boıynsha jobany talqylaýǵa qatysa alady:
https://legalacts.egov.kz/npa/view?id=14641241
Esterińizge sala keteıik, «Dinı qyzmet jáne dinı birlestikter týraly» 2011 jylǵy 11 qazandaǵy QR Zańynyń 9-babyna sáıkes, dinı ádebıetti, dinı mazmundaǵy ózge de aqparattyq materıaldardy, dinı maqsattaǵy zattardy tek qana ǵıbadat úılerinde (ǵımarattarynda), dinı bilim berý uıymdarynda, sonymen qatar, oblystardyń, respýblıkalyq mańyzy bar qalalardyń jáne astananyń jergilikti atqarýshy organdary arnaıy belgilegen turaqty úı-jaılarda taratýǵa jol beriledi.
Osyǵan baılanysty Almaty qalasy ákimdiginiń 2012 jylǵy 6 qarashadaǵy № 4/945 qaýlysymen 27 arnaıy turaqty úı-jaı anyqtaldy. Atalǵan Qaýly bekitilgennen beri Zańǵa ózgerister engizilip, normatıvtik quqyqtyq aktilerdiń mazmuny da túzetýlerdi talap etetini belgili boldy. Sonymen qatar, tizimde kórsetilgen birqatar uıym óz qyzmetin toqtatty. Budan bólek, Almaty qalasy Din isteri jónindegi basqarmasy jańa turaqty úı-jaılardy bekitti.