Almatydaǵy demalys kúnderi ótetin jármeńkelerge 300-den astam aýyl sharýashylyǵy óndirýshileri qatysyp jatyr
Almatyda demalys kúni jármeńkelerine qatysýshylar sany 317-ge jetti. Ótken jylmen salystyrǵanda Almaty men Almaty oblysynyń fermerleri men taýar óndirýshileri arasynda satýshylar sany 7% - ǵa ósti. Ósý jármeńkeler ınfraqurylymyn jańǵyrtýmen baılanysty: jańa saýda sóreleri ornatyldy, sanıtarlyq jaǵdaılar jaqsartyldy, kelýshilerdiń qozǵalysy úshin qolaıly marshrýttar qalyptastyryldy.
Jármeńkelerge apta saıyn 45000-nan astam adam qatysady. Satylymda jańa soıylǵan mal eti, jumyrtqa, kókónister, jemister, ashytylǵan sút ónimderi, shujyqtar, bal jáne basqa da taýarlar bar. Jalpy taýar túri 1000 ataýdan asady.
Jármeńke uıymdastyrýshysy «Almaty» ÁKK» AQ bolyp tabylady. Baǵany turaqtandyrý jónindegi sharalar sheńberinde áleýmettik mańyzy bar ónimder naryqtyq qunnan 15-20% - ǵa tómen satylady.
Jármeńkeler ár senbi jáne jeksenbi kúnderi saǵat 09.00-den 18.00-ge deıin myna meken-jaılarda ótedi:
· Almaly aýdany - Masanchı kóshesi (Áıteke bı kóshesi men Gogol kóshesi arasy);
· Áýezov aýdany - Ótegen batyr kóshesi (Abaı dańǵylynan tómen);
· Bostandyq aýdany - Qazaqfılm y/a. (ál-Farabı dańǵylynan joǵary);
· Medeý aýdany - Meńdiqulov býlvary-Bekturov kóshesi.
