Almatyda ár senbi jáne jeksenbi kúnderi saǵat 9:00-den 18:00-ge deıin demalys kúnderiniń jármeńkeleri ótedi.
Bul – Almaty men Almaty oblysynyń taýar óndirýshileri men fermerleri qala turǵyndaryna 700-800 tonnaǵa deıin áleýmettik mańyzy bar azyq-túlik pen aýyl sharýashylyǵy ónimderin usynatyn ýaqytsha saýda alańdary. Daıyn ónimderdiń baǵasy Almaty qalasynyń ortasha naryqtyq baǵasynan 10-15% tómen.
Apta saıyn jármeńkelerge 300-ge jýyq satýshy qatysady, al kelýshiler sany 28 myńnan asady. Munda jańa soıylǵan et, kókónister, jemister, sút ónimderi jáne basqa da taýarlardy satyp alýǵa bolady.
Jármeńke ótetin mekenjaılar:
• Almaly aýdany: Masanchı kóshesi, Áıteke bı men Gogol kósheleriniń aralyǵy
• Áýezov aýdany: Ótegen batyr kóshesi, Abaı dańǵylynan tómen
• Bostandyq aýdany: Qazaqfılm shaǵyn aýdany, Ál-Farabı dańǵylynan joǵary
• Medeý aýdany: Mendiqulov býlvary – Bekturov kóshesi
Jaqynda jármeńkeler jańǵyrtýdan ótti. Jármeńkeniń uıymdastyrýshysy – «Almaty» ÁKK» AQ Almaly, Áýezov, Bostandyq jáne Medeý aýdandarynda ınfraqurylymdy jańartyp, jańa saýda oryndaryn ornatty, sanıtarlyq jaǵdaıdy jaqsartty jáne kelýshiler úshin yńǵaıly baǵyttardy uıymdastyrdy. Bul jármeńkelerdi qala turǵyndary men kásipkerlerdiń múddelerin toǵystyratyn zamanaýı qoǵamdyq keńistikke aınaldyrýǵa múmkindik berdi.