Almatyda «Dástúrli áýen» festıvali ótti, dep habarlaıdy Almaty-akshamy.kz.
Ortalyq mádenıet jáne demalys saıabaǵynda almatylyqtar men qala qonaqtary dástúrli án tyńdap, qulaq quryshyn qandyrdy. Bul festıvál birinshi jyl ótkizilip otyrǵan joq. Dástúrli ánderdiń jandy daýysta oryndalatyny belgili. Sol sebepti de osy ónerdiń tyńdarmandary bul kúndi asyǵa kútken sıaqty.
Bul festıváldiń ereksheligi - bir sahnada jańa shyqqan áýender men tanymal kompozısıalar da oryndalady. Búgingi mýzyka merekesi de odan tys qalǵan joq. Sahnada Qurmanǵazy, Nurǵısa Tilendıev, Kenen Ázirbaev jáne dástúrli qazaq mýzykasynyń altyn qoryndaǵy basqa da kóptegen avtorlardyń shyǵarmalary shyrqaldy. Dástúrli mýzyka súıer qaýymnyń aldynda Qurmanǵazy atyndaǵy Qazaq memlekettik akademıalyq halyq aspaptar ansambli, sondaı-aq balalar shyǵarmashylyq ansámblderi men jeke oryndaýshylar da óner kórsetti.
Mýzykalyq festıváldiń basty maqsaty - Uly Dalanyń mádenı murasyn, dástúrli mýzykany nasıhattaý. Eń bastysy, belgili kompozıtorlardyń mýzykalyq shedevrlerin oryndaı otyryp, jas mýzykanttar urpaqtar sabaqtastyǵyn kórsetti.
Festıvál sońynda onyń barlyq qatysýshylaryna alǵys hattar tabystaldy.