Sharaǵa 200-den astam oqýshy qatysty.
Almatyda Ahmet Jubanov atyndaǵy daryndy balalarǵa arnalǵan respýblıkalyq mektep-ınternaty tárbıelenýshileriniń eseptik gala konserti ótti, dep habarlaıdy Almaty-akshamy.kz Almaty.tv silteme jasap.
İs-sharaǵa 200-den astam oqýshy qatysyp, dúıim jurtqa óz ónerlerin pash etti. Shyǵarmashylyq jolda júrgen jas talanttar halyqtyq jáne sımfonıalyq orkestrmen ulttyq, álemdik klasıkalardan syr shertip, kórermendi tańdaı qaqtyrdy.
«Balalardyń ónerin halyqqa kórsetkenimizge qýanyshtymyz. Óıtkeni sońǵy konsert 2019 jyly 2,5 jyl buryn bolǵan eken. Degenmen balalardyń jetistigi kóp», – dedi A.Jubanov atyndaǵy respýblıkalyq mýzyka mektebiniń dırektory Nurken Áshirov.
Atalmysh konsert Balalar jyly aıasynda ótti. Uıymdastyrýshylar aldaǵy ýaqytta da jas ónerpazdardyń talantyn ashý úshin halyqaralyq konkýrstar ótkizýdi josparlap otyr. Sebebi mundaǵy ár balanyń armany bıik, maqsaty aıqyn.
«Bolashaq armanym – qazaqtyń ónerin kúlli álemge tanytý. Osy mektepti bitirip, joǵary oqý ornyna túsip, qazaqtyń ónerin álemge tanytqym keledi», – dedi jas ónerpaz Nurdáýlet Ábdiqadirov.