Sapaly medısınalyq qyzmetter kórsetý úshin qazirgi ýaqytta «Nurshashqan» shaǵynaýdanynda 100 adam qabyldaıtyn dárigerlik ambýlatorıa salynyp jatyr.
Onyń qurylysyna qatysty jumystar qyrkúıek aıynda aıaqtalady. II toqsanda Aıbasov kóshesinde 200 adam qabyldaıtyn dárigerlik ambýlatorıanyń qurylysy bastalady, dep habarlaıdy Almaty-akshamy.kz.
Sonymen qosa, II toqsanda «RV-90» (2022 jylǵy jeltoqsanda sharttyq mindettemelerdiń oryndalmaýyna baılanysty «ArhKompleks» JSHS-men shart buzyldy) jáne «Álmerek» (aýdany 0,6 ga jer ýchaskesin satyp alǵannan keıin) shaǵynaýdandarynda 200 adam qabyldaıtyn otbasylyq-dárigerlik ambýlatorıalardyń jobalaý-smetalyq qujattamalaryn ázirleý úshin konkýrstar jarıalanady.
«Qaırat» shaǵynaýdanynda 340 adam qabyldaıtyn emhananyń jobalaý-smetalyq qujattamasyn ázirleý jumystaryn maýsym aıynda aıaqtaý josparlanǵan.
Aýdan turǵyndaryna áleýmettik jáne sporttyq baǵyttaǵy obektilerdi «qoljetimdi» etý úshin qarqyndy jumys jalǵasýda.