Almaty qalasynyń Jastar saıasaty basqarmasy qala jastaryna arnalǵan «CAREER TIME» kásibı baǵdar berý festıvalin ótkizýde, dep habarlaıdy Almaty-akshamy.kz.
İs-sharanyń maqsaty - qoǵamdyq tendensıa men suranystardy eskere otyryp, jastardyń mamandyq tańdaý, mansap qurýda jeke áleýetin qalyptastyrý.
Baǵdarlamada kásipkerlerdiń, sonyń ishinde Qýanysh Shonbaı, Ásel Mashanova, koých - kásiptik baǵdar berýshi Almıra Tursyn, sondaı-aq ártúrli oblystardan kelgen mamandardyń motıvasıalyq baǵyt-baǵdar berýi, kompanıa qyzmetkerleriniń, jetekshi HR-mamandardyń, psıhologtyń, konflıktologtyń sheberlik synyptary qarastyrylǵan, al qalanyń joǵary oqý oryndary kúni boıy ótetin kórmede bilim berý baǵdarlamalaryn usynyp, bilim alýdyń múmkindikteri týraly aıtyp beredi.
«Zamanaýı jas azamattarǵa talapqa saı beıimdelip, trendterdi baqylap, jańa mamandyqty ıgerýge daıyn bolýy kerek. Bul ózekti ári suranystaǵy bilimge súıene otyryp, óziniń ómir jolyn sanaly túrde tańdaý kerektigin kórsetedi», - dep atap ótti uıymdastyrýshylar.
